يار سوۋغىتى ياپراقلار،
گۆھەرلەردىن كۆپ ئېسل،
خاتىرەمنىڭ قېتىدا،
تۇرىدۇ ئۇ ياپيېشىل.

يار سوۋغىتى ياپراقلار،
گۆھەرلەردىن كۆپ ئېسل،
خاتىرەمنىڭ قېتىدا،
تۇرىدۇ ئۇ ياپيېشىل.

ھەر باققاندا يار چېھرى،
كۆز ئالدىمدا نامايان.
يارنىڭ مېھرى قەلبىمدە،
دېڭىزدەك كەڭ بىپايان.

ھەر باققاندا يار چېھرى،
كۆز ئالدىمدا نامايان.
يارنىڭ مېھرى قەلبىمدە،
دېڭىزدەك، دېڭىزدەك كەڭ بىپايان.

كۈز ياپرىقى ئەمەس ئۇ،
يەرگە ھەرگىز تۆكۈلمەس،
ئايرىلسىمۇ شېخىدىن،
پىغان چەكمەس، ئۆكۈنمەس.

ئاشۇ يېشىل ياپراقلار،
ئوخشار بىزنىڭ سۆيگۈگە.
سارغايسىمۇ بارچە گۈل،
سارغايماس ئۇ مەڭگۈگە.

ئاشۇ يېشىل ياپراقلار،
ئوخشار بىزنىڭ سۆيگۈگە.
سارغايسىمۇ بارچە گۈل،
سارغايماس،سارغايماس ئۇ مەڭگۈگە.
سارغايماس،سارغايماس ئۇ مەڭگۈگە.