گۈللەرنىڭمۇھەرخىلى باردۇر،
كۈنلەرنىڭمۇ ھەرخىلى باردۇر.
ئادەملەردىن رەنجىمە كۆڭلۈم،
ئۇلارنىڭمۇ سەرخىلى باردۇر.
ئادەملەردىن رەنجىمە كۆڭلۈم،
ئۇلارنىڭمۇ سەرخىلى باردۇر.

تىلەمچىگە نان بىرەر بىرى،
كەپتەرلەرگە دان بىرەر بىرى.
زۆرۈر بولسا قان بىرەر بىرى،
ھەتتا جاننى بەرمىكى باردۇر.
زۆرۈر بولسا قان بىرەر بىرى،
ھەتتا جاننى بەرمىكى باردۇر.

ياتمىقى بار ئاغرىپ ساقنىڭمۇ،
سۇلمىغى بار سەيلىگاھنىڭمۇ.
ياتمىقى بار ئاغرىپ ساقنىڭمۇ،
سۇلمىغى بار سەيلىگاھنىڭمۇ.
دۆلەت كەتسە ھەتتا شاھنىڭمۇ،
دۆڭدىن قوراي تەرمىكى باردۇر.
دۆلەت كەتسە ھەتتا شاھنىڭمۇ،
دۆڭدىن قوراي تەرمىكى باردۇر.

دۇنيا تىلسىم ئادەملەر ئۇلۇغ،
تىرىكلىككە ئادەم ئۆزى تۇغ.
يانغانغا سۇ، زىمىنتانغا چوغ،
شۇڭا گۈزەل مەنزىلى باردۇر.
يانغانغا سۇ، زىمىنتانغا چوغ،
شۇڭا گۈزەل مەنزىلى باردۇر.
شۇڭا گۈزەل مەنزىلى باردۇر.