ئوت يۇرتىنىڭ گەۋھىرىدۇر تەكلىرىم،
مېۋەڭ مېۋە جەۋھىرىدۇر تەكلىرىم.
يۇرتىمىزنىڭ نامى مەشھۇر تەك بىلەن،
قەدىم ماكان پەخرىدۇر تەكلىرىم.
ساڭا چەكسىز ھۆرمىتىم بار تەكلىرىم.

ئەۋلادقا مىراس قالغان،
يۈرەكىمدىن ئورۇن ئالغان.
ئەۋلادقا مىراس قالغان،
يۈرەكىمدىن ئورۇن ئالغان.
يۈرەكىمدىن ئورۇن ئالغان تەكلىرىم.
تەكلەر ئاستىدا جانان جىلۋىسى،
مەرتلەرنى ساماغا سالغان تەكلىرىم.
تەكلەر ئاستىدا قىزلار جىلۋىسى،
يىگىتلەرنى ساماغا سالغان تەكلىرىم.
ساڭا تۇتاش يۈرەكىم بار تەكلىرىم.

ھەۋەس بىلەن كۆرۈپ ئۆتتۈم،
گۈل ھۆسنىڭگە سۆيۈپ ئۆتتۈم.
ھەۋەس بىلەن كۆرۈپ ئۆتتۈم،
گۈل ھۆسنىڭگە سۆيۈپ ئۆتتۈم.
گۈل ھۆسنىڭگە سۆيۈپ ئۆتتۈم تەكلىرىم.
تەكلەردىن يۈرەككە تۇتاشتى بىر ئوت،
ئىشقىم بىلەن كۆيۈپ ئۆتتۈم.
ئىشقىم بىلەن كۆيۈپ ئۆتتۈم تەكلىرىم.

ئوت يۇرتىنىڭ گەۋھىرىدۇر تەكلىرىم،
مېۋەڭ مېۋە جەۋھىرىدۇر تەكلىرىم.
يۇرتىمىزنىڭ نامى مەشھۇر سەن بىلەن،
قەدىم ماكان پەخرىدۇر تەكلىرىم.
ساڭا چەكسىز ھۆرمىتىم بار تەكلىرىم.
ساڭا چەكسىز ھۆرمىتىم بار.
ساڭا تۇتاش يۈرەكىم بار.
ساڭا تۈگىمەس كۈيلىرىم بار تەكلىرىم.