بۈگۈن ئايەم، بۈگۈن ھېيىت دوستلار،
بارچە دىللار كۈلسۇن ئايەمدە.
بۈگۈن ئايەم، بۈگۈن ھېيىت دوستلار،
بارچە دىللار كۈلسۇن ئايەمدە.
مىھرى-شەپقەت دوستلۇق نۇر چاچسۇن،
ساخاۋەتلىك گۈزەل ئالەمدە.
مىھرى-شەپقەت دوستلۇق نۇر چاچسۇن،
ساخاۋەتلىك گۈزەل ئالەمدە.
ئايەم، ئايەم!
خۇش يايرىسۇن جىمى بالىلار،
ئايەم، ئايەم!
خۇشال كۈلسۇن  ئاتا-ئانىلار.

♬♬♬♬♬

خۇشاللىققا تولغان ئايەم بۇ،
كۈي ناۋاسى يەتتى پەلەككە.
خۇشاللىققا تولغان ئايەم بۇ،
كۈي ناۋاسى يەتتى پەلەككە.
سىر-تۈگۈنلەر يىشىلسۇن بۇندا،
داغ تەگمىسۇن ئوتلۇق يۈرەككە.
سىر-تۈگۈنلەر يىشىلسۇن بۇندا،
داغ تەگمىسۇن ئوتلۇق يۈرەككە.
ئايەم، ئايەم!
جەم بوپ ئۆتسۇن قان-قېرىنداشلار،
ئايەم، ئايەم!
ئىناقلىقتىن سۆيۈنسۇن دىللار.

♬♬♬♬♬

پەتە قىلىپ بارايلى يوقلاپ،
تەلمۈرمىسۇن ئاتا-ئانىلار.
پەتە قىلىپ بارايلى يوقلاپ،
تەلمۈرمىسۇن ئاتا-ئانىلار.
ئۇشبۇ ئايەم قۇتلۇق كۈنلەردە،
مىھرىمىزدىن سۆيۈنسۇن دىللار.
ئۇشبۇ ئايەم قۇتلۇق كۈنلەردە،
مىھرىمىزدىن سۆيۈنسۇن دىللار.
ئايەم، ئايەم!
جەم بوپ ئۆتسۇن قان قېرىنداشلار،
ئايەم، ئايەم!
ئىناقلىقتىن سۆيۈنسۇن دىللار.
ئايەم، ئايەم!
خۇش يايرىسۇن جىمى بالىلار،
ئايەم، ئايەم!
خۇشال كۈلسۇن ئاتا-ئانىلار.