يول بەرگىن يول ئىزدىگەنلەرگە،
سەپىرىگە ئاق ئاق يول تىلەپ.
قول بەرگىن پاك مىھرىڭ بىلەن،
يۈكسەكلەرگە كەتسۇن ئۆرلەپ.

كۆڭۈلدىن سۇ ئىچسۇن كۆڭۈل،
قىينىمىسۇن يۈرەكنى ھەسرەت.
يازنىڭ ئالتۇن ئاپتىپىدەك،
ھەممىمىزگە ياغسۇن ئامەت.

سۆيگۈ بولسا دىلدا ھەردەم،
كۆكسىمىزگە سىغار ئالەم.
چاقناپ كۆڭۈل ئاسمىنىدا،
يۇلتۇز بولۇپ جىمى ئادەم.

يول بەرگىن يول ئىزدىگەنلەرگە،
سەپىرىگە ئاق ئاق يول تىلەپ.
قول بەرگىن پاك مىھرىڭ بىلەن،
يۈكسەكلەرگە كەتسۇن ئۆرلەپ.

كۆڭۈلدىن سۇ ئىچسۇن كۆڭۈل،
قىينىمىسۇن يۈرەكنى ھەسرەت.
يازنىڭ ئالتۇن ئاپتىپىدەك،
ھەممىمىزگە ياغسۇن ئامەت.